Let us celebrate ‘Nepal Day’ in the name of Prithvi Narayan Shah the Great

पृथ्वीनारायण शाहको नाममा नेपाल दिवस मनाउन प्रस्ताव

From: NewsPokhara Blog, 10 January 2012

पृथ्वीनारायण शाहको नाममा ‘नेपाल दिवस’ मनाउन विज्ञहरूले प्रस्ताव गरेका छन् । उनले राष्ट्रनिर्माणका साथसाथै राष्ट्रियताप्रति बलियो जगसमेत हालेकाले राजनीतिक दृष्टिकोणले मात्र हेर्न नहुनेसमेत उनीहरूको भनाइ छ । ‘मुलुकमा जस्तोसुकै राजनीतिक उथलपुथल भए पनि पृथ्वीनारायण शाहको योगदानलाई ओझेलमा पार्न मिल्दैन,’ सीमाविद् बुद्धिनारायण श्रेष्ठले राष्ट्रिय एकता तथा २९० औं पृथ्वीजयन्ती मूल नागरिक समारोह समितिको अन्तक्रिर्यामा शनिबार भने, ‘यदि उनले नेपाल एकीकरण नगरेको भए हामी छरपष्ट हुन्थ्यौं । उनी गोरखा राज्यका भएर पनि एकीकरणसँगै ‘नेपाल’ देशको नामकरण गरेर नेपाल राष्ट्रको जन्म दिएका हुनाले उनको जन्मोत्सवलाई विश्वभरका नेपालीले नेपाल दिवसका रूपमा मनाउँदा अन्यथा ठहर्दैन ।’

पृथ्वीनारायण शाहले १८२६ मंसिर १ गते नेपाल राज्यको नामकरण गरेका थिए । उनको दिव्योपदेशमात्र मनन गर्ने हो भने पनि कूटनीतिक, आर्थिक, सामाजिक दृष्टिकोणले महत्त्वपूर्ण रहेको श्रेष्ठ बताए । ‘अब राज्य पुनर्संरचना हुँदा पृथ्वीनारायण शाहले भनेका सबै जातको फूलबारी बनाउन सक्नुपर्छ,’ उनले भने, ‘पृथ्वीनारायणलाई राष्ट्रवादको जडको रूपमा लिइनुपर्छ ।’ जनआन्दोलन २०६२/६३ पछि बनेको सरकारले पुस २७ गते मनाइँदै आएको ‘राष्ट्रिय एकता तथा पृथ्वीजयन्ती’ खारेज गरिसकेको छ ।

 

 

“राज्यपुर्नसंरचनामा पृथ्वीनारायण शाहका दिव्य उपदेश उपयोगी”

 

Image FM 97.3 Interview on 12 January 2012

सीमाविद बुद्धिनारायण श्रेष्ठले पछिल्ला सरकार तथा राजनीतिक दलहरुबाट ईतीहासलाई मेट्दै जाने काम भएकोमा चिन्ता व्यक्त गर्नुभएको छ । इमेज एफ.एम संग कुरा गर्दै सीमाविद श्रेष्ठले राष्ट्रनिर्माता पृथ्वीनारायण शाह र उनका योगदानलाई भुल्नु भनेको राष्ट्रियता नैं भल्नु हो भन्नुभयो । आफ्नै पुर्खा बिर्सने पुस्ता पतित हुने वहाँले बताउनुभयो ।

राज्यपुर्नसंरचनाको विषय उठिरहेका बेला सीमाविद श्रेष्ठले यस सन्दर्भमा पनि पृथ्वीनारायण शाहका दिव्य उपदेश उपयोगी हुने धारणा राख्नुभयो । नेपालमा असिमीत जातजाती र तीनका भाषाभाषी भएपनि १०, १२ जातीको नाममा मात्र प्रदेश नामाकरण गर्न लागिएकोमा उहाँले असन्तुष्टी जनाउनुभयो । प्रदेशको सीमाना निर्धारण गर्दा प्राकृतिक, ऐतिहासिक, धार्मिक र भौगोलिक विषयलाई आधार मानिनुपर्ने सुझाव दिँदै सीमाविद श्रेष्ठले अन्यथा कालान्तरमा द्धन्द्ध निम्तने खतरा औँल्याउनुभयो ।

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: